ВИДЕО: Погледнете го првото видео некогаш објавено на Јутјуб

Пред точно девет години на Јутјуб беше поставено првото видео, а станува збор за не толку возбудливото видео насловено - "Јас во Зоолошка градина" - ("Me at the ZOO").

На 23-ти април, 2005-та година видеото го објавил ко-основачот на Јутјуб - Jawed Karim кој раскажува за причините поради кои слоновите се интересни животни. Иако нема некоја посебна причина да го погледнете, денес тоа видео е прегледано 14 милиони пати.

Карим вели дека денес не е задоволен со ситуацијата на сервисот (за чие настанување делумно е заслужен) поради тоа што не му е јасно зошто мора да се има Google+ account за да можат да се коментираат видео записите.