Пораз на македонските кошаркарки

Македонската женска кошаркарска селекција го претрпе и вториот пораз во квалификациите за Европското првенство кое ќе се одржи во 2015 година во Унгарија и Романија.

Нашите кошаркарки вечерва се поразени од Велика Британија со 53:78 во натпревар од 2.коло на квалификациската Б група.

На средбата одиграна во салата „Јасмин„ во Кавадарци македонските кошаркарки немаа можност да и се спротивстават на силната селекција на Велика Британија која до победата ја предводеше Темитопе Фенбенле со 15 постигнати поени.

Во нашата репрезентација воедно и на натпреварот најефикасна беше натурализираната Американа Криси Гивенс со 21 постигнат поен.

Ова е втор пораз за избраничките на селекторот Горан Јовановиќ, откако во првото коло на гостувањето во Литванија загубија со 108:66.

Следниот натпревар македонските кошаркарски ќе го одиграат на 15 јуни (недела) и тоа на гостински терен против Белгија