Скендеровски повика 15 играчи за двомечот со Бугарија

Македонската футсал репрезентација викендов ќе одигра два контролни натпревара против Бугарија на домашен терен во Куманово на 14 јуни и во Скопје  на 15 јуни. Селекторот Васко Скендеровски упати повик до 15 играчи за настап на овие средби.

На списокот на Скендеровски се следните фудбалери:

Голмани: Мирослав Тодоровски (КМФ Железарец) и Илчо Удовалиев (КМФ Железарец).

Одбрана: Зоран Левески (КМФ Железарец), Александар Глигоров (КМФ Железарец), Ферид Агуши (КМФ Железарец), Драган Петровиќ (КМФ Скопје 2011), Иван Крстевски (КМФ Железарец), Кристијан Златковски (КМФ Биџо) и Таулант Исмаили (КМФ Железарец).

Напад: Оливер Јовановски (КМФ Железарец), Мартин Тодоровски (КМФ Железарец), Адријан Мицевски (Сљуаре – ЦРО), Игор Леовски (КМФ Железарец), Исмет Цека (КМФ Сее Универзитет) и Дарко Ранготов (Сљуаре – ЦРО).

Стручниот тим на Македонија е засилен со Иван Божовиќ, долгогодишниот тренер на Економац од Србија, од оваа сезона тренер на македонскиот шампион Железарец.

Македонскиот селектор очекува продолжување на резултатскиот успех.

- Можеби некои од нас сеуште е под импресии од победата против Хрватска, но веќе не очекува нов предизвик, двомеч со Бугарија. Мал хендикеп е тоа што нашето првенство е завршено, играчите не се во натпреварувачка форма, но продолжуваме со зацртаната цел, а тоа е во континуитет да имаме пријателски натпревари и да имаме противник во сите термини на УЕФА. Сето ова е во рамки на подготовките, најпрвин за силниот турнир кои во октомври ќе го организираме во Скопје, а потоа и за квалификациите за ЕП 2016 година кои ги започнуваме во март идната година. Против Бугарија сакаме да го продолжиме резултатскиот успех. Се надевам на добра игра и позитивни резултати кои ќе ни ја подигнат самодовербата пред квалификацискиот циклус, изјави селекторот на репрезентацијата, Васко Скендеровски