Обвинителството ќе испитува дали е лажен сертификатот за англиски јазик на Бојан Христовски

Скопското основно јавно обвинителство, дејствувајќи по допрен глас, ќе ги испита индициите околу уверението за положен ТОЕФЛ испит за познавање англиски јазик на новоизбраниот директор на Агенцијата за национална безбедност (АНБ) Бојан Христовски, пренесува „СДК.мк“ повикувајќи се на извори во Обвинителството.

Доколку Антикорупциската комисија во разумен рок не постапи, односно не ја заврши проверката која веќе е започната, ОЈО Скопје нема да ја чека и ќе отвори предмет.