Од ноември нема директен лет Скопје- Женева
Од ноември, со почетокот на зимската сезона, Скопје останува без директна авиоврска со Женева. Авиокомпанијата „Изи џет“ го закажа својот последен лет меѓу двата града за 1 ноември.
Продажбата на билетите е запрена и, како што пишува „Екс ЈУ авиејшн“, нејасно е дали ќе ги обнови операциите кон Скопје во текот на летото 2025 година.
Во летниот период (јуни – октомври), компанијата ќе ги сведе летовите на два пати неделно, а минатото лето имаше по четири.
Авиокомпанијата е единствениот оператор меѓу Женева и Скопје од ноември 2021година. Исто така, „Изи џет“ лета од Приштина до Женева, и тоа два пати дневно, а лета и до швајцарскиот град од Белград, три пати неделно.
И двете линии се активни преку целата година. Оваа авиокомпанија има и сезонски летни летови од Женева до Дубровник, Пула, Сплит и до Тиват.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
