Од утре делумна забрана за движење на „Водно“ и во паркот „Гази Баба“
Градот Скопје ги известува граѓаните дека од утре (24.06.2022 година) во парк-шумата „Водно“ и во паркот на природата „Гази Баба“ се воведува делумна забрана за движење, во периодот од 6:00 до 20:00 часот.
Од Град Скопје информираат дека воведувањето на делумната забрана за движење е според одлуката од Министерството за земјоделство, шумарство и водостопанство, а по барање на ЈП „Национални шуми“ – Скопје, согласно член 57 став 2 од Законот за шумите.
Градот Скопје апелира до граѓаните да ја почитуваат воведената делумна забрана и да придонесат за зачувување на зеленилото од евентуални пожари.
23.06.2022 - 16:26
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
