Општина Центар: Пријавете дупка на асвалтот во вашето маало
Општина Центар започнува со санација на оштетени улици односно на т.н „ударни дупки“ во сите населби на општината.
„Во изминатиот период, службите на локалната самоуправа, евидентираа неколку точки на чии локации постојат видливи оштетувања на инфраструктурата кои во следниот период ќе бидат асфалтирани.
Поради поголема успешност на оваа акција, Општина Центар ги повикува и граѓаните со уредно наведување на точната локација и број на улицата, да пријават ударни дупки на територијата на Општина Центар. Граѓаните кои сакаат да пријават тоа можат да го направат јавувајќи се на телефонскиот број 076381673 или преку e-mail адресата: [email protected]“, се вели во соопштението на општината.
Општина Центар оваа акција ја презема, како што велат, со цел да се овозможи безбедно движење на граѓаните, велосипедите и моторните возила.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа