Почина познатата актерка: Во филмскиот свет беше позната како „кралица на врескањето“ (ФОТО)

Британската актерка Вероника Карлсон, позната по улогите во хорор филмовите на Хамер, почина на 77-годишна возраст, јавуваат медиумите во Англија. Според нејзината ќерка Карли Лав, актерката починала од природна смрт во својот дом во Блуфонт, Јужна Каролина.

Актерката ја започна својата кариера како модел, за да глуми во филм со познатиот Кристофер Ли во 1968 година.

Таа многу брзо постигна голем успех и беше позната како кралица на врескањето, но нејзината кариера некако спласна, бидејќи не сакаше да се согласи на некои сцени кои значеа да се соблекува.