Подгответе се: Утре ќе нема вода во делови од Скопје
Без вода за пиење утре ќе останат неколку делови од општините Бутел и Центар, информираат попладнево од Регионалниот центар за управување со кризи - Скопје.
Според известување од Јавното претпријатие „Водовод и канализација“ - Скопје, поради дефект на улична цевка на улицата „Рајко Жинзифов“ без број - раскрсница со „Киро Крстевски Платник“, водоснабдувањето ќе биде прекинато од осум часот за дел корисници. Без вода ќе бидат делови од улиците „Киро Крстевски Платник“ и „Шумадиска“ во општина Центар.
Поради дефект во општина Бутел, корисниците од комплексот „Вива фреш“, касарната „Илинден“ и улицата „Македонско - косовска бригада“ крак 11, ќе останат без вода од девет часот.
Корисниците ќе бидат без вода за пиење сѐ до завршување на работните активности.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
