„Продолжете така“: Роналдо се заблагодари што е најследената личност на „Инстаграм“
Кристијано Роналдо им се заблагодари на своите фанови откако стана првата личност со над 400 милиони следбеници на социјалната мрежа „Инстаграм“.
37-годишната ѕвезда на Манчестер јунајтед, кој во моментот има 404 милиони следбеници, објави видео на социјалната мрежа со својата славна прослава „Сиу“, но порача дека сака уште 100 и 200 милиони следбеници во видеото објавено во понеделникот.
„Здраво, дечки, 400 милиони! Каква бројка, сега можам да кажам сиуу! Фантастично, каков момент за мене. Без вас ова не би било возможно. Од срце ви благодарам. Продолжете така. Ќе го споделам мојот живот со вас бидејќи го заслужувате тоа. Ајде уште 100 милиони, 200 милиони, благодарам дечки“, вели Роналдо.
Роналдо има предност од 92 милиона следбеници пред втората личност на „Инстаграм“, американската манекенка Кајли Џенер, и уште послатко за него, 96 милиони следбеници повеќе од третиот на листата, вечниот ривал Лионел Меси.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
