СДСМ: Новиот министер Тошковски го заглави вадењето на пасоши

ДПМНЕ ги лаже граѓаните и создава уште поголем проблем со извадањето нови пасоши, оценуваат од владејачката СДСМ.

Од една страна, како што велат, нивниот министер за внатрешни работи во техничката Влада целосно го заглавува процесот со погрешни одлуки и чекори.

„Наместо да го зголеми капацитетот за сликање и вадење пасоши го укина вадењето пасош без закажување.

Тоа го пролонгираше целиот процес со месеци. Граѓаните со денови не можат да закажат термин, а оние што се сликале не можат да ги добијат пасошите со недели.

Од друга страна ДПМНЕ ги лаже граѓаните дека со законско решение може да се сменат обврски од меѓународен договор“, додаваат од СДСМ.

ДПМНЕ нема решение, како што најавуваше, туку на граѓаните им создава уште поголем проблем, се наведува во нивното соопштение.