Се судрија полициско возило и автомобил во Скопје - две лица повредени

Вчера во 18.00 часот во СВР Скопје било пријавено дека на бул.„Крсте Мисирков“ во Скопје се случила сообраќајна незгода помеѓу патничко возило „сеат алтеа“ со скопски регистарски ознаки, сопственост на МВР, и патничко возило „фолксваген поло“ со скопски регистарски ознаки, управувано од А.А.(46) од Скопје.

Во незгодата со телесни повреди се здобиле А.А. и малолетен сопатник, констатирани во Градската општа болница „Св.Наум Охридски“.

Извршен бил увид од увидна екипа од СВР Скопје.