Шербеџија: Се вакцинирав во Србија- направија одлична работа

Познатиот актер, Раде Шербеџија, прими вакцина против коронавирус во Белград, а за сараевски „Аваз“ тој ја пофали Србија за вакцинирањето на голем број граѓани на земјите од регионот. Тој ги повика сите што можат да одат да се вакцинираат во Србија.

„Сето тоа го сторија многу добро, па голем број луѓе отидоа таму за да се вакцинираат. Супер ја поднесов. Многу мои пријатели од Сараево заминаа во Србија за таа цел. Потребно е, не може да се чека. Кој може, треба да се вакцинира“, рече Шербеџија во интервју за сараевскиот „Аваз“.

Тој се надева дека вакцината од Европската Унија сега ќе тргне побрзо.

„Се надевам дека ќе можеме да го пречекаме ова лето помирно и дека ќе можеме да се дружиме. Имам такво чувство“, рече Шербеџија

Макфакс