Што се случува со Путин: Зошто се држи толку цврсто за масата- вчерашна снимка предизвика многу нејаснотии (ВИДЕО)
Снимката од средбата на Владимир Путин со Сергеј Шојгу, рускиот министер за одбрана, ги започна шпекулациите дека на шефот на Кремљ не му е добро, односно дека му е нарушено здравјето, пишуваат светските медиуми.
На снимката се гледа како Путин цврсто се држи за масата. Шојгу му пријавил на Путин дека Мариупол паднал, а Путин му честитал за тоа.
Но, ставот на Путин покрена прашања за неговата состојба, која според некои набљудувачи нагло се влошила откако започна руската инвазија на Украина на 24 февруари. Рускиот претседател на состанокот бил стуткан на столче и не сакал да го пушти аголот од масата што цврсто го држел со десната рака.
Шојгу, за кој некои сугерираат дека не се појавил во јавноста поради лошо здравје или несогласување со Путин за војната во Украина, го прочитал своето кратко обраќање до Путин на хартија.
Андерс Аслунд, шведски економист и поранешен советник на руската влада, рече дека снимката од состанокот покажува дека и двајцата Руси се „депресивни и со лоша здравствена состојба“.
„Шојгу мора да ги чита неговите коментари на Путин и тешко му е да зборува, што сугерира дека гласините за срцев удар веројатно се вистинити. Лоши перформанси“, додаде тој. И претходно имаше шпекулации за здравјето на Путин.
Рускиот медиум Project – забранет во Русија, работи од странство – неодамна објави дека Путин постојано е надгледуван од лекар специјализиран за рак на тироидната жлезда и дека рускиот претседател од почетокот на инвазијата страда од бројни здравствени проблеми.
Тие пишуваат дека Путин е редовно придружуван од неврохирург и неколку лекари. Проект понатаму објави дека Путин во 2020 година се сретнал со раководителот на Националниот медицински истражувачки центар за ендокринологија Иван Дедов, шефот на најстарата ќерка на Путин, Марија Воронцова.
In social networks, people noticed that #Putin, at a meeting with #Shoigu, sat all the time in an unnatural position, grabbing the table with his hand and not letting go.#Ukraine pic.twitter.com/LCz44KJbF9
— Alex Patrushev (@Magnifyingglas_) April 21, 2022
#Putin called the storming of #Azovstal's industrial zone in #Mariupol unreasonable and ordered its cancellation. pic.twitter.com/ieGFVIqqEr
— NEXTA (@nexta_tv) April 21, 2022
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
