Убиецот на Оки е најден во Грција, како и пиштолот со кој е извршено убиството

Расчистено е убиството на ликвидираниот македонски државјанин во Грција, Орхан Бајрами – Оки и неговиот пријател, кои беа ликвидирани во Халкидки. Грчките медиуми пренесуваат дека лицето кое е во притвор поради двојното убиство во чаршискиот „Шиша бар“ во Скопје е осомничен и за убиството на водичот на нарко клан, Бајрами-Оки.

Воедно, најдено е и оружјето со кое е убиен Оки. Истото оружје било со пригушувач, а било фрлено во област која е тешко пристапна, подалеку од местото на убиството.

Според лабараториски испитувата и анализи на наодите, пиштолот бил користен во конкретното кривично дело.

-Според собраните информации, се чини дека мотивот на кривичното дело е поврзан со ривалство помеѓу две криминални групи кои главно се занимаваат со трговија со дрога и се со седиште во земјата од каде што потекнуваат. Горенаведениот странски државјанин е уапсен и е задржан во притвор во својата земја, како осомничен за негово учество во убиството на две лица, што се случи лани во март во нивната земја. Против него е распишана европска потерница и се преземаат потребните дејствија за негова екстрадиција во нашата земја, соопштија од грчката полиција.

Ова убиствто се случи пред 5 месеци.

Орхан Бајрами во македонската јавност е познат како дел од мафијашкото подземје. Се сметал за неформален лидер на т.н. групата „Дуќанџик“. Тој воедно бил инволвиран и во неколку вооружени инциденти, а според неофицијални информации на грчките медиуми, неговото убиство било извршено од неколку лица, со пиштоли, од кои испукале дваесетина куршуми.