Украинска телевизија: Нашите партизани ја кренаа во воздух пругата што ја користеа Русите

Државната телевизија „Суспилна“ јави дека украинските војници ја разнеле железничката пруга што ја користеле руските сили во окупираниот дел од јужната област Херсон.

„На левиот брег на реката Днепар во регионот Херсон членовите на движењето на отпорот ја разнесоа пругата што ја користеа Русите за да ги префрлат своите сили“, објави украинската телевизија, а објави и командата на јужниот сектор на украинската армија.

„Војската на Руската Федерација е во непријатна ситуација во однос на полуостровот Крим. Ги држиме под контрола нивните логистички транспортни патишта, дури и со поддршка на движењето на отпорот“, изјави портпаролот на јужната команда на украинската армија. Овие тврдења не се независно потврдени.

Херсон е еден од делумно окупираните украински региони за кои Русија тврди дека ги анектирала на крајот на минатата година. Лани, украинските сили го ослободија истоимениот главен град на регионот откако руските сили се повлекоа на јужниот брег на реката Днепар. Регионот Херсон се граничи и со полуостровот Крим, кој беше присоединат од руските сили во 2014 година.