ВМРО-ДПМНЕ: Груби и Владата ја фрлаат државата во вештачка криза
Груби и Владата ја фрлаат државата во вештачка криза со издигнување на спорот со Бугарија на ниво на безбедносно прашање, реагираат преку соопштение од опозициската ВМРО-ДПМНЕ.
„Спорот со Бугарија не е безбедносно прашање, ниту спор кој има безбедносен карактер. Обидот на Груби и на власта да градат на таа теза преговори е поразително за државата. Македонија е земја членка на НАТО, и со тоа сите безбедносни прашања се затворени. Во рамки на границите на државата има министерство за внатрешни работи кое ја чува безбедноста. Власта да не наоѓа изговори за нови отстапки и понижувања“, стои во писмениот допис од ВМРО-ДПМНЕ.
Од оваа партија додаваат дека македонските позиции кои ги гарантира Декларацијата која што ја предложи ВМРО-ДПМНЕ се јасни, и истата појаснуваат е поддржана од сите партии во парламентот и ништо надвор од неа не смее да биде сторено.
„Очекуваме Бугарија во духот на европските вредности и добрососедските политики да не ја попречува Македонија кон ЕУ. Напредокот на државата го заслужуваат граѓаните“, прецизираат од партијата на Мицкоски.
МАКФАКС
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа