ВМРО-ДПМНЕ: Лагите на СДС испливуваат на површина

Во СДС повеќе од јасно е дека не можат да се фокусираат на својата основна работа, па почнаа да глумат истражители и даваат идеи како треба да постапуваат надлежните во правосудството, соопштија од ВМРО-ДПМНЕ.

„Како и да е, ги разбираме од СДС, тие се навикнати нивните обвинители и судии да ја кријат вистината на сите можни начини.

Е па, вистината не може да крие во недоглед.

Многу е јасно, обвинителството ја отфрли пријавата за директорот на АНБ, Бојан Христовски.

Со оваа одлука на обвинителство вистината излезе на виделина.

Сите лаги на СДС паднаа во вода.

Да потсетиме, а во СДС знаат и сами правосудниот систем не може да работи само под притисоци и да ги крие нивните лаги, имаше и случаи во кои судот јасно докажуваше дека клеветат.

Од ден на ден, се покажува и докажува дека СДС е фабрика за лажни вести“, стои во соопштението на ВМРО-ДПМНЕ.