Воспитувачките и негувателките од струшката градинка денеска не отидоа на работа

Дваесетина воспитувачки и негователки, од двата објекти на градинката „8 Март“ денес не беа на своите работни места.

Причината за тоа е неисполнување на нивните барања за решавање на статусот со редовно вработување или минимална плата со платени придонеси.

Негувателките и воспитувачките во градинките во Струга пред една недела најавија дека повеќе нема да работат за 10.000 денари месечен хонорар, без здравствено и пензиско осигурување.

Директорката на Детската градинка во Струга, Сања Србовска денеска имаше средба со градоначалникот на Општина Струга Рaмис Мерко, но детали од средбата не откриваат. Во изјава за МИА, Србовска, која на функцијата директор е од неодамна, посочи дека работат на изнаоѓање решение во интерес на децата.

„Разговаравме со Министертсвото за труд и социјална политика и со Општина Струга, односно институциите кои се позади нас и бараме решение. Нова сум, најважно е децата да бидат згрижени, тоа е наша обврска како институција“изјави Србовска.