Зачин кој речиси секојдневно го користиме во кујната, а ќе ви помогне да се ослободите од здодевната кашлица

Биберот вообичаено го користиме како зачин, но тој делува и противвоспалително, антиоксидантско и антиканцерогено, меѓутоа помага и при многу други проблеми.

Биберот е растение кое се одгледува поради своите плодови кои вообичаено се сушат и се користат како зачин. Кога ќе се исуши, плодот е познат како бибер, а кога е свеж и во зрно, плодот е широк 5 милиметри во пречник има темно-црвена боја и содржи едно семе.

Биберот е со потекло од јужна Индија и интензивно се одгледува таму, но и на други места во тропските региони.

Сушениот мелен бибер се користи одамна поради својот специфичен вкус и како природен лек во традиционалната медицина. Тоа е еден од најчестите зачини кои се додаваат во јадењата ширум светот.

Пикантноста на биберот е поради хемиската состојка пиперин.

Биберот како лек делува антифламаторно (противвоспалително), антиоксидантско и антиканцерогено

Истражувањата покажале дека плодовите и семките од биберот успешно можат да се користат за лекување на диспепсија (лош дигестивен систем), дијареја, колера, уринарни проблеми, чирови, ревматизам, забоболка и главоболка.

Биберот се користи и за да ја стабилизира матката кај жените по породување и како лек е голем извор на витамин Ц, витамин К и манган.

Биберот е одличен лек и против кашлица

Со чај од мед и бибер може да се ослободите од здодевната кашлица и конечно да почнете да дишете.

Потребни состојки:

- 1 лажица свежо мелен бибер;

- 1 лажица мед;

- 2 децилитри вода.

Подготовка:

Биберот и медот ставете ги во шолја, а потоа прелијте ги со топла вода, добро измешајте медот да се растопи и оставете да отстои околу 10 минути. По 10 минути уште еднаш помешајте, па испијте ја течноста.

Пијте по две шолји од овој чај дневно и набрзо ќе почувствувате олеснување.