Загина моторциклистот во кој удри холандски државјанин кај Ист Гејт
Педесетгодишен мотоциклист почина откако доби тешки повреди по судир со возило со холандски регистарски таблички, управувано од Холанѓанец. Несреќата се случи вчера на крстосницата на улицата „518“ и булеварот Гоце Делчев во Скопје.
„Вчера во 13.40 часот во СВР Скопје било пријавено дека се случила сообраќајна несреќа помеѓу патничко возило ’киа’ со холандски национални ознаки, управувано од Б.С.(43) од Холандија и мотоцикл со скопски регистарски ознаки, управуван од Т.С.(50) од Скопје. Во несреќата мотоциклистот се здобил со тешки телесни повреди и бил пренесен во Комплекс клиники ’Мајка Тереза’ во Скопје, каде што подоцна починал. Лекар констатирал смрт, а увид на местото на несреќата извршиле јавен обвинител и увидна екипа од СВР Скопје“, соопшти Министерството за внатрешни работи.
По наредба на јавен обвинител телото на починатиот било предадено на обдукција.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
