Зеленски: Украина ќе помогне со сите напори за стабилизирање на Сирија

Украинскиот претседател Володимир Зеленски денеска изјави дека Украина се подготвува да ги обнови дипломатските односи со Сирија.

„Се подготвуваме да ги обновиме дипломатските односи со Сирија и соработката во меѓународните организации“, рече Зеленски откога го слушна извештајот на украинскиот министер за надворешни работи, Андриј Сибиха, кој во понеделникот ја посети Сирија.

Резултатите од преговорите во Дамаск се безбедносни и економски перспективи, рече Зеленски, додавајќи дека Украина ќе помогне со сите напори за стабилизирање на Сирија.