Зинченко во солзи: Одиме на победа за сите Украинци (ВИДЕО)

Олександер Зинченко не можеше да ги заддржи солзите на прес-конференијата на „Хемпден“ во Глазгов, ветувајќи дека неговите соиграчи од украинската репрезентација ќе се борат да донесат неверојатни емоции за нацијата пред утрешниот бараж со Шкотска за пласман на Светското првенство во Катар.

Украина ќе го играа својот прв официјален меч по инвазијата од Русија во Шкотска, каде што победникот ќе игра во финалето на баражот против Велс. Фудбалот беше во втор план во Украина по почетокот на војната на 24 февруари, но Зинченко вели дека тие се поготвени.

„Секој Украинец сака само едно нешто – да сопре војната. Зборував со многу луѓе од целиот свет, но и со украински деца кои не сфаќаат што се случува. Сите имаат еден сон – војната да сопре. Ако зборуваме за фудбалот, и ние имаме една цел – да одиме на Светско, да им дадеме неверојатни емоции на сонародниците, бидејќи го заслужуваат тоа во овој момент. Сите знаат што се случува во Украина и затоа мотивацијата е голема“, изјави Зинченко низ солзи.

“Every Ukrainian has the main dream to stop the war."

Manchester City defender Oleksandr Zinchenko struggles to hold back the tears as he talks about Russia's conflict with Ukraine

(via @SkySportsNews)
pic.twitter.com/06nPdOJwK1

— Photos of Football (@photosofootball) May 31, 2022