13 ученици загинаа во пожар во кинески интернат со градинка и училиште
Во пожар во интернат во централна Кина загинаа 13 ученици, а еден е повреден, јавија кинеските државни медиуми.
Пожарот избувнал во петокот вечерта во училиштето Јингкаи, во селото Јаншанпу, во близина на градот Нанјанг, провинцијата Хенан, објавија кинеската централна телевизија и новинската агенција Ксинхуа.
Според извештаите, пожарникарите брзо го изгаснале пожарот, а директорот на училиштето бил приведен.
Јингкаи е приватен интернат со градинка и основно училиште, објави провладиниот весник Пејпер. Училиштето им дава одмор на учениците на секои две недели, но ова не беше празничен викенд, објави весникот, цитирајќи неколку локални жители.
Многу од учениците на Јингкаи се од рурални области, се вели во соопштението, додавајќи дека пожарот избувнал околу 22 часот во петокот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
