Аки Рахимовски ќе биде погребан утре

Пејачот на „Парни Ваљак“ Аки Рахимовски кој почина пред неколку дена, ќе биде погребан утре во 15 часот во Алејата на великаните на гробиштата Мирогој во Загреб.

Аки ќе биде испратен од членовите на семејството и пријателите.

Од „Парни Ваљак“ преку социјалните мрежи ги замолија сите оние кои го сакаат и имаат желба да му одадат почит, со оглед на епидемиолошките мерки, тоа да го сторат на посочено место. Обожавателите ги послушаа и во голем број оставија пораки, свеќи и цвеќе.