Актерот Мајкл К. Вилијамс пронајден мртов во својот дом
Мајкл Кенет Вилијамс, кој го толкуваше ликот Омар Литл во хит серијата The Wire („Жица“), во понеделникот е пронајден мртов во својот стан во Њујорк, соопшти њујоршката полиција. Тој имаше 54 години.
Поручникот Џон Гримпел, портпарол на полицијата во Њујорк, изјави дека безживотното тело на Вилијамс било пронајдено во неговиот стан во Бруклин, по телефонски повик во 14 часот по локално време (18.00 часот по Гринич) до службата за итни случаи.
Вилијамс, кој доби номинација за „Еми“ во 2021 година за неговата улога во Lovecraft Country, исто така, стекна слава за улогата во серијата на „Ејч-би-о“ Boardwalk Empire.
Од полицијата соопштија дека во тек е истрага за смртта на Вилијамс и дека судско-медицинска обдукција во Њујорк ќе ја утврди причината за смртта подоцна.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
