Бугарскиот Роки ист како „оригиналот“: Фалсификаторите го користеле Сталоне за реклама на своите лажни документи
Бугарските власти разбиле банда фалсификатори кои го промовирале квалитетот на нејзините нелегални документи и банкноти, покажувајќи лажен бугарски пасош со слика на американскиот актер Силвестер Сталоне.
Обвинителството во петокот обвини четворица Бугари осомничени дека припаѓаат на ланец на организиран криминал, правејќи и дистрибуирајќи лажни бугарски документи и фалсификувани банкноти од американски долари и евра.
Тие четворица биле уапсени откако биле пронајдени печатарски машини и опрема за производство на фалсификувани банкноти и документи при претрес на 30 локации низ Бугарија во заедничка акција со Европол и американска тајна служба.
При претресот на стан во јужниот град Пловдив, полицијата запленила големи количини фалсификувани банкноти во евра и долари, како и лажни бугарски лични карти и возачки дозволи.
„Полицијата исто така заплени бугарски пасош со слика на познат американски актер, кој е користен као примерок на клиентите да им покаже висок квалитет на нивните фалсификати“, се наведува во соопштението на обвинителството.
Bulgaria busts counterfeit gang that used fake passport of U.S. actor as sample https://t.co/W6pYP2zUje pic.twitter.com/joVIJ7JPSa
— Reuters (@Reuters) January 29, 2021
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
