ЕУ до САД: Испраќајте помалку оружје во Израел

Високиот претставник на ЕУ за надворешни работи Жозеп Борел денеска упати апел до САД да ја преиспитаат својата воена помош за Израел поради големиот број цивилни жртви во војната во Газа.

Борел потсети дека американскиот претседател Џо Бајден минатата недела изјави дека одговорот на Израел на нападот на Хамас на 7 октомври е претеран и дека американските власти постојано велеле дека премногу цивили се убиени во Газа.

„Па, ако верувате дека се убиваат премногу луѓе, можеби треба да испратите помалку оружје за да спречите да бидат убиени толку многу луѓе“, рече Борел пред новинарите по состанокот на министрите за развојна помош на ЕУ во Брисел.

„Ако меѓународната заедница верува дека ова е масакр, дека се убиваат премногу луѓе, можеби треба да размислиме за снабдувањето со оружје“, додаде тој.