Ѓорчев: Претседавањето со ОБСЕ е верификација на македонската држава
ОБСЕ е една важна организација која што се грижи за безбедноста во општеството на 57 земји-членки. Апсолутно претседавањето со ОБСЕ за Македонија значи афирмација во меѓународен поглед затоа што кога се раководи со една таква крупна организација значи и способност на државата да биде во тие меѓународни текови и регулирање на прашањето за безбедноста на целиот европски контитент и пошироко, вели за „Локално“ поранешниот амбасадор и дипломат Марјан Ѓорчев за нашето претседавање со Организацијата за безбедност и соработка во Европа (ОБСЕ).
-Претседавањето со ОБСЕ е верификација на македонската држава, потенцира Ѓорчев.
Дипломатот истакнува дека речиси сигурно е дека клучна точка во нашето претседавање со ОБСЕ ќе бидат жариштата во светот, а едно од тие е и Украина.
-Главен чинител на иницијативата ќе биде изнаоѓање на мировно решение. Украина ќе биде најсушствено прашање. Во ОБСЕ на иста маса се и Русија и Украина и тоа ќе биде многу непријатно и жестоко. Секој состанок на ОБСЕ ќе биде конфронтирачки затоа што се две спротивставени страни, независно што Русија се третира како агресор, а Украина како нападната земја, ни рече Ѓорчев.
Извор:lokalno.mk
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
