Грчката полиција уапси двајца осомничени за убиство на новинар

Грчките власти соопштија дека уапсиле двајца осомничени кои биле вмешани во убиството на познат репортер за криминал што се случи пред две години.

Новинарот Јоргиос Караиваз беше застрелан и убиен во близина на неговиот дом во Атина на 29 април 2021 година.

Се наведува дека двајца мажи од мотор во движење испукале неколку истрели кон него.

Грчката полиција вчера соопшти дека се уапсени двајца мажи на возраст од 40 и 48 години под сомнение дека учествувале во убиството.

Убиството ја шокираше Грција и доведе до широка осуда. Недостигот на апсења предизвика критики до власта дека не го истражила целосно убиството.

Полицијата не соопштува повеќе детали за апсењата, но најави прес-конференција за случајот.