Кабинетот на претседателот ги почитува насоките на МВР

Од Кабинетот на шефот на државата велат „во врска со вашите прашања потврдуваме дека утрово, на 21 февруари 2023 година од страна на Министерството за внатрешни работи бевме информирани дека има дојава за поставена бомба во местото на домување на претседателот“.

„Кабинетот на претседателот ги почитува насоките на Министерството за внатрешни работи и примената на стандардните протоколи во вакви прилики“, велат од Кабинетот.

Нагласуваат дека претседателот Пендаровски денес ќе ги извршува редовните работни обврски согласно планираната агенда на активности.