Кејт Бекинсејл блесна на моден настан во Лос Анџелес

Кејт Бекинсејл привлекува погледи во смел фустан на доделувањето на наградите од „Фешн траст“.

Гламурозните Хајди Клум и Алесандра Амброзио ја придружуваа актерката на церемонијата што се одржа во Лос Анџелес во вторникот вечерта.

Британската актерка (49) ги воодушеви присутните во проѕирен фустан украсен со сребрен накит, впечатлива креација што ја истакна нејзината складна фигура.

„Фешн траст“ е непрофитна организација посветена на откривање, финансирање и негување млади дизајнерски таленти со цел да им помогне да ја изградат својата етикета во просперитетен глобален бренд.