Лажен полицаец измамил скопјанка: Оставила пари во корпа во парк Жена Борец за да ја ослободат ќерка и

Вчера во 17.00 часот во СВР Скопје, 65-годишна жена од Скопје пријавила дека  била измамена од едно лице за сума од 45.000 денари.

Според пријавеното, лицето ја контактирало телефонски, се претставило како полициски службеник и ѝ кажало дека нејзината ќерка предизвикала сообраќајна несреќа со смртни последици и дека е потребно да плати за да ја ослободат. Потоа таа ги оставила парите на местото каде што ѝ кажало лицето, односно во корпа во парк Жена Борец, а подоцна сфатила дека била измамена.

Се преземаат мерки за расчистување на случајот.