Мадона му се потсмева на папата со маица со католичка тема

Години по изјавата дека би сакала да го види папата како носи нејзина маица, на Мадона (65), конечно, ѝ се исполни желбата – на некој начин.

Поп-иконата, која води повеќедецениска битка со Ватикан поради употребата на провокативни верски и сексуални фотографии во текот на својата кариера, во вторникот се огласи на „Инстаграм“ со нова провокација.

Таа сподели фотографија со дрска маица на која е прикажан католичкиот поглавар облечен во наметка со натпис Мадона.

Според таблоидите, гламурозната објава е иронична референца на култниот цитат на Мадона: „Би сакала да го видам папата како носи моја маица“.

Приспособениот дизајн на Секс, миленик на колешката Џулија Фокс, која ги крши модните правила – го прикажува папата со низа огнени крилја зад себе.

Абел Капела Лока и Вил Ковал изјавиле за „Пејџ сикс стајл“ дека креацијата со папата била директно инспирирана од култниот цитат на Мадона. „Користевме црвен конец инспириран од црвената жица на кабала за да ја заштитиме енергијата на оној што ја носи“. додадоа тие.

„Ние сме буквално најголемите фанови на Мадона. Ја сакаме многу и длабоко ја цениме нејзината уметност, она што го направи досега и она што го прави. Значи, нема поголема чест од овие моменти“.

Според нив, Мадона е една од најпознатите икони на сите времиња.