Меџити: На Кардиохирургија се случи инцидент, известена е полицијата

За инцидентот којшто утрово се случил на Клиниката за кардиохирургија е запознаен и министерот за здравство, Фатмир Меџити. Оваа вест штотуку ја потврдија од ресорното министерство преку соопштение испратено до медиумите.

„Министерството за здравство ја имформира јавноста дека денеска на Клиниката за кардиохирургија се случил инцидент за што е известена полицијата. Министерот за здравство д-р Фатмир Меџити е запознаен со настанот од здравствените работници побара совесно и професионално однесување и да се посветат на пациентите“, велат од ресорното министерство.

За потсетување, утрово вработен на Клиниката за кардиохирургија, прво вербално нападнал медицинска сестра, потоа го истепал актуелниот директор, па на крај сам се пријавил во полициската станица во Центар. 

„Известен е јавен обвинител и се преземаат мерки за расчистување на настанот“, изјавија денеска од МВР за Прес24.

18.09.2023 - 16:02

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа