Милевски по петардата во Ереван: Критиките ни помагаат и нѐ мотивираат
Селекторот на македонската фудбалска репрезентација, Благоја Милевски ја пофали играта на неговите избраници кои вечерва во Ереван ја декласираа Ерменија со 5:0.
– Никој освен нас самите не веруваше дека по поразот во Скопје од Германија со 0:4, ќе се вратиме на ваков начин и дека ќе победиме во Ереван. Моите фудбалери покажаа дека располагаат со голем потенцијал и заслужуваат честитки. Критиките, посебно ако се добронамерни ни помагаат, во спротивно уште повеќе не мотивираат. Одиме понатаму, ни следува Исланд на домашен терен и сите мисли ни се насочени на тој меч, истакна Милевски на прес-конференцијата по вечерашниот натпревар со Ерменија.
Македонската репрезентација по вечерашната победа ги задржа шансите за пласман во баражот за Светското првенство 2022.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
