Роџер Федерер го освои Мастерсот во Синсинати

Швајцарецот Роџер Федерер ја освои 80. титула во кариерата откако синоќа во финалето на турнирот од Мастерс серијата во Синсинати, САД го победи шпанскиот тенисер Давид Ферер со 2:1, по сетови 6:3, 1:6 и 6:2.

И по овој меч Федерер продолжи со 100 - процентниот учинок против Ферер, односно 16 победи во исто толку натпревари.

Максимален е ефектот на Швајцарецот и на турнирите во Сининсинати, настапуваше на шест и сите ги освои.

За победата на турнирот Федерер ќе добие 640 илјади долари, додека поразениот Ферер двојно помалку.