Хамес Родригез го постигна својот првенец за Реал

Новиот играч на Реал Мадрид Хамес Родригез го постигна својот прв гол за „кралскиот клуб“.

Синоќа на „Сантијаго Бернабеу“ во првата средба од Суперкупот на Шпанија Реал Мадрид и градскиот ривал Атлетико одиграа нерешено 1:1.

Колумбискиот репрезентативец кој во игра влезе на почетокот од второто полувреме на местото на Кристијано Роналдо, ги доведе домаќините во водство во 81.минута, а седум минути подоцна за Атлетико Мадрид погоди Раул Гарсија за изедначување и мала предност за „јорганџиите“ пред вториот дуел.

Реваншот ќе се игра в петок на „Висенте Калдерон“.