Во среда почнува продажбата на влезниците на РК Металург за Лигата на шампиони

Од среда (17 септември) ќе почне продажба на блок билетите за натпреварите на РК Металург во групната фаза на Лигата на шампионите.

Влезниците за натпреварите на македонскиот ракометен шампион Металург ќе се продаваат во продажните салони на „ОНЕ’’ низ целата држава, како и онлајн на веб страната www.karti.com.mk .

Онлајн продажбата на блок билетите ќе почне од полноќ (вторник кон среда), додека продажбата во салоните на „ОНЕ’’ ќе почне в среда, со почетокот на работно време на салоните.

Влезниците за групната фаза во зависност од местото на седење ќе се продаваат по цена од 1.500, 1.700 и 2.200 денари.

Новата сезона во Лигата на шампионите тимот од Автокоманда на домашен терен ќе ја започне на 28 септември кога во арената „Борис Трајковски’’ во Скопје, ќе гостува скапиот француски тим Пари Сен Жермен.