Кајмакоски новиот мотиватор на македонските фудбалери

Даниел Кајмакоски македонската пејачка ѕвезда е новиот промотор на фудбалската репрезентација и тој од денеска официјално стана дел од „рисовите“.

Кајмакоски во обид дополнително да ги мотивира македонските репрезентативци и навивачите, на 9 октомври пред натпреварот со Луксембург ќе има 60 минутно шоу на „Филип Втори“.

- Среќен сум што во рацете го држам националниот дрес на Македонија.

Јас сум вљубеник во спортот и особено во фудбалот. Само ако се има верба во себе и истрајност може да се оствари посакуваното.

Морам да кажам дека овие момчиња што играат моментно за Македонија ги запознав во Шпанија и сите се многу воспитани и културни луѓе.

Верувам дека во иднина ќе имаат повеќе успеси, изјави Кајмакоски.

Стружанецот од претседателот на Фудбалската федерација на Македонија, Илчо Ѓорѓиоски доби дрес со број 20.