Фудбалерите на Хановер добија забрана да го посетат Октоберфест
Тренерот на германскиот фудбалски клуб Хановер 96 Тајфун Коркут им забрани на неговите играчи да го посетат фестивалот на пивото - Октоберфест што се одржува во Минхен.
Коркут експлицитно им наложи на фудбалерите да се држат настрана од фестивалот на пиво, без разлика на исходот на натпревар против Баерн в сабота во Минхен.
Хановер во моментов е на 6.место на табелата во Бундес лигата и заостанува само четири бода зад лидерот Баерн. Оваа екипа последен пат на „Алијанц Арена“ победи пред осум години.
- Фестивалите служат за прослави, но само ако имате причина да славите, а еден натпревар секако не е доволна причина за тоа, рече Коркут.
Традиционалниот Октоберфест, каде што само минатата година се испиле 6,7 милиони литри пиво, завршува в недела, а Хановер во добро расположение патува во Минхен, со оглед на нивните 10 бодови од првите шест натпревари сезонава.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
