Утре кочан ладно - еве колку ќе изнесуваат температурите

Времето утре во Македонија ќе биде променливо облачно со умерен северен ветер. Претпладне во западните делови се уште ќе има услови за провејување на снег. Попладне облачноста ќе се намалува.

Утринската температура ќе се движи од минус четири до четири, а дневната од два до девет степени.

Во Скопје слично време, претпладне променливо облачно со умерен северен ветер, а попладне со сончеви периоди. Утринската температура ќе се спушти до нула, а дневната ќе се искачи до пет степени.

За време на викендот ќе преовладува сончево време со мала до умерена облачност и малку потопло. В сабота дневните температури ќе се движат од шест до 12, а во недела од пет до 14 степени. В недела по одделни котлини ќе има услови за појава на слаба магла.