Димовски: Нема да има пазарење за слободата на медиумите
Нема да се прифати несериозната понуда на СДСМ за пазарење со слободата на медиумите и избирачкиот список, вели во емисијата „Пулт“ на Радио Слободна Македонија, координаторот на пратеничката група на ВМРО-ДПМНЕ, Илија Димовски.
Тој смета дека договор треба да има, но не преку газење на демократските принципи и европските вредности.
ВМРО-ДПМНЕ, вели Димовски, и натаму бара усвојување на кој било европски закон за регулирање на медиумската сфера.
-Ако има нешто добро во однесувањето на СДСМ, тоа е конечното признание дека избирачкиот список е во ред и дека во изминатите 4, 5 години, тие непотребно ја малтретираа јавноста со нивните небулозни тврдења за наводни фантомски гласачи, вели Димовски.
Во врска со изборите Димовски е дециден – Собранието донесе одлука да се распушти на 24 февруари,а изборите ќе се одржат на 24 април, и од тоа нема отстапка.
Целото негово гостување во РСМ погледнете го во продолжение
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
