СДСМ не сака да ја потпише иницијативата на ВМРО-ДПМНЕ за повлекување на аболицијата на Иванов
СДСМ преку соопштение ја оцени денешната иницијатива на ВМРО-ДПМНЕ како очајнички обид да избега од одговорност за одлуката на претседателот Ѓорге Иванов.
Партијата бара ВМРО-ДПМНЕ и нејзиниот лидер да го повикаат Иванов да ги поништи сите одлуки за помилување.
- Ставот на СДСМ е јасен уште од почеток: поништување на сите одлуки за помилување донесени на 14.04.2016 и одговорност на сите за сторениот криминал. Претседателот на СДСМ, Зоран Заев, прв, јавно ја отфрли аболицијата и повика на поништување на срамните одлуки, се вели во соопштението и се додава дека не смее да има „недопирливи граѓани” и „обични граѓани од втор ред”.
Според СДСМ, Иванов мора да замине од функцијата затоа што со донесената одлука за помилување извршил државен удар.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
