Заев за три дена на интервјуа на три национални телевизии

Опозицискиот лидер Зоран Заев, за само три дена има интевјуа на три национални телевизии, со што целосно паѓаат во вода секојдневните обвинувања за медиумски мрак и недоволна застапеност на опозицијата во медиумите.

По завчерашното гостување во емисијата „Топ тема“ на Телма, вчерашното појавување во емисијата „Патот кон“ на Алсат-М, опозицискиот лидер вечерва ќе има интервју на уште една национална телевизија. Имено, првиот човек на СДСМ ќе гостува вечерва во 21 часот во 24 Анализа на „24 Вести“, уште една национална телевизија.

Со ова, секој граѓанин, но и меѓународните претставници, можат  најдобро да се уверат што подразбира лидерот на СДСМ, Зоран Заев кога говори за медиумски мрак и диктатура. Главните тези на Заев најверојатно и вечерва ќе бидат “режим“ “диктатура“, “немање слобода“ и “недемократија“ и покрај тоа што за три дена има интервјуа на три национални телевизи.

Не само Заев, туку и останатите опозициски експоненти постојано говорат за немање слобода и немање демократија, но народот лесно ги чита ваквите евтини манипулаци кои едноставно ја навредуваат неговата интелигенција.