Голема крвава пресметка во Куманово - едно лице тешко повредено
Вчера околу 13:00 часот во Куманово, пред кафе бар на улица „11-ти Ноември“ настанала физичка пресметка помеѓу лицата С.А. (22) и Љ.Ш. (20), двајцата од село Оризари и петнаесетгодишник од село Слупчане, од една страна и неколку непознати лица од село Слупчане, од друга страна.
Во физичката пресметка едно лице извадило нож и му нанело повреди на С.А. во пределот на главата, а Љ.Ш. го повредил на десниот лакт.
Повредените биле пренесени во болницата во Куманово, од каде поради сериозноста на повредите С.А. е пренесен во Клинички центар Скопје, а Љ.Ш. по укажаната лекарска помош е пуштен на домашно лекување.
Увид на местото на настанот извршила увидна екипа на СВР-Куманово. Се преземаат мерки за целосно расчистување на случајот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа