Чилиманов: Можеби проблемот е до меѓународните посредници
Кредибилитетот на амбасадорите Џес Бејли и Аиво Орав е доведен во прашање, бидејќи тие оценија дека 5 јуни е прифатлив датум за избори по одложувањето од 24 април, вели за ТВ Нова новинарот Цветин Чилиманов.
-Нивна оценка беше дека датумот 5 јуни е прифатлив и дека дотогаш можат комотно да се организираат избори доколку нема опструкции од страна на претставниците на СДСМ во ДИК, доколку сите настапуваат со добра волја. Сега гледаме дека е јасно дека СДСМ одбиваат да учествуваат, но доколку има некаков притисок врз ДУИ и врз ДПА евентуално да не учествуваат на овие избори, јасно е дека тој притисок или охрабрување да учествуваат на тие избори треба да дојде токму од гаранторите на тој договор од САД и од ЕУ, изјави Чилиманов.
-ДУИ самите се имаат така поставено, дека тие се како претставници, гласноговорници на меѓународната заедница тука. Така што, можеби е проблемот до меѓународните посредници во овие преговори што не можеме да ставиме крај на оваа политичка криза, додава Чилиманов.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
