АПСУРДИ: ДУИ бараше Уставен да ја поништи одлуката за која гласаше

Серија апсурди и парадоксални состојби во македонската политика откри одлуката на Уставниот суд да ги запре изборите во Македонија.

Иницијативата до Уставниот суд ја достави партијата ДУИ. Интересно е дека истата таа партија гласаше за одлуката за распуштање, а потоа, побара Уставен да оцени, дали бил прекршен Уставот со нивното гласање.
Но тоа не е ништо ново во политиките на ДУИ. Од партијата која секој ден по исти прашања има различни ставови ваквите чекори можеби и не се изненадување, но под знак прашалник се става, што се случи со Уставниот суд.
Тој денеска прифати иста иницијатива каква што одби пред неколку месеци кога ја достави пратеникот Павле Трајанов.