Пронајдени два трупа - трагедии се нижат викендов во Македонија

Крвав Духовден во Македонија. Во текот на вчерашниот ден се случија многу трагедии.

Околу 10  часот над село Чифлик – кочанско, бил пронајден починат 69-годишниот Г.Д. од селото Кучичино, кој пред два дена околу 09:00 часот со коњска запрега се упатил кон „Солен дол“ да сече огревни дрва, по што исчезнал.

Увид на местото на настанот извршила увидна екипа од Полициската станица Кочани, а по наредба на Јавното обвинителство телото на починатиот е предадено за обдукција.

Безживотно тело на возрасна жена која пред еден месец била пријавена за исчезната пронајдено е вчера во водите на реката Пчиња во атарот на селото Војник, Кумановско.