РУДКОП Битола ја вклучи својата механизација во помошта за настраданите подрачја

Градежната компанија РУДКОП од Битола ја вклучи својата механизација во расчиствиање на последиците и санирање на штетите од страшното невреме кое изминатиот викенд го зафати скопскиот регион и поплави неколку населени места.

Голем број на компании од приватниот сектор кои работат со градежна опрема и механизација деновиве ја покажаа својата хуманост и солидарност и се вклучија на терен во поплавените подрачја да помогнат во справување со природната катастрофа.

Таков е случајот и со битолската компанија РУДКОП, чија градежна механизација активно работи на расчистување на теренот и помага на жителите од поплавените подрачја што е можно побрзо да се справат со природната непогода.